שירי רבותינו מילים לשירים בדיסק ניגוני התעוררות נובהרדוק (2 צופים)

[הצעיר שבחבורה]

היות ונראה כי ישנה התעניינות בשירים אלו, אעלה באשכול זה את אשר יש תחת ידי משירים אלו

1. ווי די אבות אמאל - בעקבות אבותינו
2. אדם יסודו מעפר
3. לעבעדיג יענק'ל
4. שומר ישראל
5. אם לא עכשיו אימתי
6. הער צו, וועלט - האזן עולם
7. איצטער דא און נאכדעם דארט – עכשיו כאן אח"כ שם
8. צווישן רוסלאנד און פולין – בין רוסיה ופולין
9. סדר התקופות
10. די ליכט
11. דער אייזענבאהן - הרכבת כמשל
12. לעבעדיג יענקל - הארוך
13. אל גינת אגוז ירדתי

הודעה זו מכילה קישורים לשירים באשכול, בלחיצה תופנה אל ההודעה בה מופיעים המילים לשיר.

 

[הצעיר שבחבורה]

ווי די אבות אמאל – בעקבות אבותינו​

א.

אויב עס איז געקומען דער טאג

ס'איז געפאלען דער שעה

וואס די תורה פארלאנגט פון אונז אלץ

פאר דער תורה פאר ג-ט

פאר דעם יודישען פאלק

געבען מיר אוועק אונזער בלוט אונזער שמאלץ

זאל מען קעמען מיט אייזערנע קעמען

זאל מען שמייסען מיט ריטער אסאך

ווי באי די אבות אמאל אין רדיפות הדת

שרעקין מיר זיך נישט אפ פאר קיין זאך

ב.

אויב עס איז שוין געקומען דער טאג

ס'האט געשלאגען די שעה

וואס דער שטן פארלייגט זיך אויף אלץ

מען וועט פארלייגן אונז

אדער לעבען אין פיין

אדער לעבען אין האניג און שמאלץ

עס איז שוין פארטיג דער ענטפער ביי אלע

ניין! מיר לאזען די תורה נישט אפ

ווי די אבות אמאל אין רדיפות הדת

מיט שטאלץ מיט געהויבענער קאפ

ג.

עס איז געקומען די צייט

אונזער גייסט נאך אמאל

פאר דער וועלט קלאר מאכן פון דאס ניי

עס איז בעסער צו זיין מיט די תורה און קלעם

ווי ליגען אין שמוץ אויף דער פריי

וואס איז דא חוץ אלעבען פון תורה

וונדען באשאטין מיט זאלץ

ווי די אבות אמאל אין רדיפות הדת

לאכען מיר זיך אויס פון אלץ

ד.

מיר גידענקען דעם טאג

וואס דער יודישער פאלק

האט געקראגן וואס ער היינט פארמאגט

עס האט קיין אקס נישט גישטערט

נישט געאירזשעט קיין פערד

נישט דער מלאך האט שירה געזאגט

פון דער הויך פון דער ערד פון דער זייטין

איז "אנוכי" גיווארען ערקלערט

מיט די אבות אמאל אין דעם גרויסען פאר טאג

האבען מיר אויך "אנוכי" געהערט

ה.

עס וועט נאך קומען דער טאג

די גהויבענע שעה

וואס אלץ וועלען אלע פארשטיין

אין די וועגין פון ג-ט

וואס איז גוט און וואס ניין

וועלן וויסען סיי גרוס און סיי קליין

עס וועט ארונטער די קנאה די שנאה

... וועט ברענען די יראה ווי פלאם

... וועט פול זיין די וועלט

...ם וויסען פון ג-ט

...עס דעקט צו די וואסער דעם ים

ווי באי די אבות אמאל אין רדיפות הדת

שרעקין מיר זיך נישט אפ פאר קיין זאך

 

[הצעיר שבחבורה]

אדם יסודו מעפר​

א.

יעדער מוז דאס פארשטיין

פון וואנען ער קומט און וו ער מוז גיין

דאס לעבען איז שיין אבער נישט אויף לאנג

אז מ'טהוט דאס פערזעהן טהוט שפעטרט באנג

ווייל אדם יסודו מעפר וסופו לעפר

ב.

דער מענטש, די וועלט איז איהם קליין

ער וויל נאר אלעס פאר זיך אליין

ער ווערט קיינמאל נישט זאט, ער וויל נישט פערשטיין

עס וועט קומען א צייט, ווען ער וועט מוזען גיין

וייל אדם יסודו מעפר וסופו לעפר

ג.

רייס נישט איין קיין וועלט, יאג זיך נישט נאך געלט

וויל נישט וואס ביי יענעם, פערגעס נישט אין גהינם

מען ברענט און מען בראט פאר יעדער עבירה

מען פייניגט זייער שטארק ס'איז א שרעק און א מורא

געדענק! אז אדם יסודו מעפר וסופו לעפר

ד.

דער מענטש איז געבויט פון ערד און פון ליים

ער ווערט זעהר פערנארישט, ער מיינט, אז דאס איז זיין היים

אבער אז מען גיט איהם א רוף, פערגעסט ער אן אלעם

דער גוף ווערט צעשמעטערט, פון אלעם בלייבט א חלום

וייל אדם יסודו מעפר וסופו לעפר

 

[הצעיר שבחבורה]

לעבעדיג יענק'ל​

לעבעדיג יענקל...

א.

אז משיח וועט צו ייד'ן קומען

וועט די יצה"ר פון אלעמען ווערן צו גינומען

און יראת שמים וועט זאך גיסען גאר אהן א מאס

אוי געוואלד, ווי דערלעבט מען דאס

לעבעדיג יענקל...

דער בורא עולם וועט געבן

מיר וועלן דאס דערלעבן

עס וועט דאך זיין שיין און פיין

און מיר וועלן אלע עהרליך זיין

לעבעדיג יענקל....

ב.

די גאנצע וועלט וועט זיין, פול מיט ישיבות

גרויסע מרכזים און קלענרע סביבות

און תורה וועט זאך לערנן גאר אהן א מאס

אוי געוואלד, ווי דערלעבט מען דאס

לעבעדיג יענקל...

דער בורא עולם וועט געבן

מיר וועלן דאס דערלעבן

עס וועט דאך זיין שיין און פיין

און מיר וועלן אלע לומדים זיין

לעבעדיג יענקל...

ג.

אלע ישיבות וועלן זיין מוסר שטיבלאך

און מוסר וועט זאך לערנען ווארעם און ליבלעך

און בעלי מוסר וועלן זיין גאר אהן א מאס

אוי געוואלד, ווי דערלעבט מען דאס

לעבעדיג יענקל...

דער בורא עולם וועט געבן

מיר וועלן דאס דערלעבן

עס וועט דאך זיין שיין און פיין

און מיר וועלן אלע עהרליך זיין

לעבעדיג יענקל...

ד.

די גאנצע וועלט וועט לעבען מיט ביטחון אן השתדלות

און מ'וועט זיך מעהר נישט בוקן צו די האמער מיט די קאוואדלעס

און געטליכקייט וועט דאך זיין גאר אהן א מאס

אוי געוואלד, ווי דערלעבט מען דאס

לעבעדיג יענקל...

דער בורא עולם וועט געבן

און מיר וועלן דאס דערלעבן

עס וועט דאך זיין זיס און פיין

און מיר וועלן אלע גליקליך זיין

לעבעדיג יענקל...

 

[הצעיר שבחבורה]

שומר ישראל​

שומר ישראל – שמור שארית ישראל – ואל יאבד ישראל – האומרים שמע ישראל

-א-​

א.

גאט איז א שומר א היטער

פאר זיין פאלק ישראל

ער איז א פאסטאך א געניטער

וואס רעטערט פון געפאהר אונז אולע מאהל

ב.

שטענדיג זיינען דא דא נייע מכשולים

וואס זיי טועהן פאר אונז צו גרייטען

אבער עס היט אונז דער בורא עולם

ער צורייסט אלע שווערע קייטען

ג.

מיר האבען זיך נישט וואס צו שרעקען

זייערע געדאנקען וועט ער צעמישען

דעם היטער דארף מען נישט וועקען

ווייל הנה לא ינום ולא יישן

ד.

מיר האבען צום טאטען בטחון

ער וועט העלפען אויך דאס מאהל

דער שונא וועט נישט האבען קיין נצחון

וייל ער איז א שומר ישראל

שומר ישראל – שמור שארית ישראל – ואל יאבד ישראל – האומרים שמע ישראל

-ב-​

א.

אויף יודיש בלוט געפינען זיך בעלנים

זיי האבן אבער צו אונז נישט קיין מאכט

ווייל כרחם אב על בנים

דער שומר אין הימעל וואכט

ב.

מיר מיינען אז עס איז זעהר שלעכט

אבער דער אויבערשטער טוט איבער אלץ ריכטיג

די הילף וועט קומען אומגעריכט

פריער פינסטער נאכדעם ווערט ליכטיג

ג.

די שונאים ווילען אויך א צינדער

זיי זוכען דעם יודנעס אונטערגאנג

דער בורא עולם היט אבער זיינע קינדער

אלע מאהל מעהר אויף דורות לאנג

ד.

דער בוים האלט פעסט זיינע צוייגען

וואס זיי ווילן אפשניידען מיט א מאהל

דער טאטע וועס דאס נישט פארשוייגען

וייל ער איז א שומר ישראל

שומר ישראל – שמור שארית ישראל – ואל יאבד ישראל – האומרים שמע ישראל

-ג-​

א.

מיט יודען מלחמה פיהערען איז שווער

אלע מאהל פערשפילען זיי דעם שלאכט

דער ביהמ"ד איז דאך אונזער געוועהר

דער קייזער איבער זיינע זעלנער וואכט

ב.

המן האט געזוכט נקמה

דערפון ניט געוואלט מאכען קיין מניעה

מרדכי האט געוונען די מלחמה

המן מיט די בנים אויף דער תליה

ג.

אונזער פעסטונג איז קיין קאטאוועס

עס נעמט נישט קיין קאנאנען און מיליטער

מיר האבען דאך א שטארקע זכות אבות

דוד המלך'ס תהלים איז אונזער געוועהר

ד.

קיין ביקסען קיין הארמאטען

אונזערע פארטען בעטאן און שטאהל

דאס קען יוד קיין מאל נישט שאטען

ווייל לא ינום ולא יישן שומר ישראל

שומר ישראל – שמור שארית ישראל – ואל יאבד ישראל – האומרים שמע ישראל

-ד-​

א.

דער בורא העולם האט געשוואוירען

אויסלייזען וועט ער אונז יודען

ואל יאבד ישראל, מיר ווערן ניט פערלארן

מיר וועלען זיין מעלין ולא מורידין

ב.

השגחה איז אונזער פאנצער

אין דעם בעשטיין אונזער גאנצער כח

פון אלע נויטן קומט ער ארויס א גאנצער

וייל ער שרייט שמע ישראל הויך

ג.

עס ווילען די אנטיסעמיטען

צעווארפען די גרויסע געביידע

אונזער פירמע ווערט נישט ווארן פערביטען

ס'האלט זיך וייטער די יודישער עדה

ד.

די שונאים ווערען שוין באלד מיעד

זייער קאמף געגען אונז האלט שמאל

סוף כל סוף וועט זיגען דער יוד

ווייל עס היט אונז דער שומר ישראל

שומר ישראל – שמור שארית ישראל – ואל יאבד ישראל – האומרים שמע ישראל

-ה-​

א.

פרעה מלך מצרים

איינגעפאלן איז איהם א משוגעס

געשאפטן אנ'אויפטו א נייעם

אין יודיש בלוט היילען זיין צרעת

ב.

אלע גייען נאך די זעלבע מאדע

דער פערברעכענס איז דער יוד שולדיג

געירשנט פון פרעה'ן די מעטאדע

אבער מיט טראגען איבער אלץ געדולדיג

ג.

דער סוף פון פרעה דער אפיקורס

ער האט געטאהן יודען שטארק דריקען

מער איהם געציילט ביז מכת בכורות

ער האט די יודען געמוזט ארויסשיקן

ד.

די היינטיגע ווילען אויך נישט גלויבען

זייער טאג וועט קומען מיטאמאהל

אונזער מצב וועט ווערען דערהויבען

וויל עס היט אונז דער שומר ישראל

שומר ישראל – שמור שארית ישראל – ואל יאבד ישראל – האומרים שמע ישראל

-ו-​

א.

מיר ליידען פאר אונזערע עבירות

מיט'ן בורא עולם טוען מיר איבערייסן

שיקט ער א פעקעל גזירות

און ער הייסט אז עשו זאל בייסען

ב.

מיר זענען אזוי ווי געפאנגען

דער קלענסטער שטייט געגען אונז מיט גאוה

די פרנסה שניידט מען ווי די זאנגען

מיר זענען אלץ מקבל באהבה

ג.

דער טאטע אין הימעל וויל בוודאי

זיינע שעפסאלאך זאלען זיך נישט צעלויפן

ס'זאל זיך וייטער האלטען די סטאדע

מיר זאלן זיין נ/געוויסן נישט פערקויפן

ד.

פון אונזער אמונה נישט אבטרעטען

פערשווינדען וועט דאס שלעכטס מיט א מאהל

נאר צום בורא עולם דארף מען בעטען

ווייל ער איז דאך א שומר ישראל

(ההמשך מהגה"צ רבי יעקב גלינסקי זצ"ל)

שטענדיק פירט אונז השגחה מיט זיין האנט

ער לאזט אונז קיין מאל נישט אליין

ער איז משגיח אויף אונז נאכאנאנד

סיי ביים שטיין און סיי ביים גיין



אפילו ער טוט זיך נישט צו אונז באוויזען

וייל מיר לעבן אין א תקופה פון הסתר פנים

דאך טוט ער אונז שפייזען

ווייל דער רחמנות איז כרחם אב על בנים



אבער דער סוף וועט זיין אגוטער

משיח וועט קומען צורייטען

און אונז פירען צום ציון צו מוטער

נאך בעסער ווי אמאליגע צייטען



און אלע צדיקים וועלן גייען טאנצען

און פון וייטען וועט מען הערן דעם קול

לאזט איבער די גלות אינגאנצען

און קומט שנעלער קיין ארץ ישראל

שומר ישראל – שמור שארית ישראל – ואל יאבד ישראל – האומרים שמע ישראל

 

[הצעיר שבחבורה]

אם לא עכשיו – אימתי​

אם לא עכשיו אימתי?...

לאמיר זאך מאכן א חשבון הנפש

מיט וואס קום איך האפ מיט מיינע טעג

מיט וואס קום איך האפ מיט מיינע יאהרן

איך האב געוואלט זיך פרעגן:

איך בין דאך א ייד

וו האלט איך מיט מיין אמונה

איך האב געוואלט זיך פרעגן

איך בין דאך א ייד

וו האלט איך מיט מיין בטחון

אם לא עכשיו אימתי....

אוי, מרה שחורה איז דאך קיין סחורה ניט

וואס מ'מאכט נישט מיט קיין שמחה

מיט מרה שחורה – אוי אוואדע נישט

פון דעסטוועג'ן בין איך דאך א איד!...

 

[הצעיר שבחבורה]

הער צו, וועלט – האזן, עולם!​

א.

הער צו וועלט, מיר האבן בשורות

ס'איז דא פאר דיר, גוטס אן א שיעור

זוך די געלט, אין די תורה שורות

דארט איז דער וועג, פון גליק אן א ברעג

נאר דער תורה לעבן, קען דעם מענטשען געבען

דעם וועג פון גליק, צום הימעל בריק

צו דער אייביגע הויכקייט, און נישט פאלען צוריק

ב.

מען מוז פיהרען, און די וועלט פון חושך

דעם טאג באריכט, מיט דער תורה ליכט

מען טאר נישט רירען, מיט אזא עושר

ווען ס'איז נישט בעוואכט, מיט מוסר טראכט

נאר דער תורה לעבן, קען דעם מענטשען געבען

דעם וועג פון גליק, צום הימעל בריק

צו דער אייביגע הויכקייט, און נישט פאלען צוריק

ג.

מיר מוזען לערנען, מוסר בעסער

ביי ואס מיר זאלן שטיין, און וייטער גיין

מען מוז זיך בעווארענען, מיט מעשים גרעסער

כדי וואס מיר האבן פערבויט, זאל זיין פערטרויט

נאר דער תורה לעבן, קען דעם מענטשען געבען

דעם וועג פון גליק, צום הימעל בריק

צו דער אייביגע הויכקייט, און נישט פאלען צוריק

ד.

די גאנצע וועלט, איז שטארק פערלוירן

עס איז זיי רק, דער רע גישמאק

די תאוה קעלט, האט זיי פערפרוירען

עס איז צו זיי, אך און וויי

גענוג זיך אפצונארען, נאך תאוה זיך צושפארען

שוין צייט צו זעהן, וואס עס איז געווען

אומזיסט דער טומל, אומזיסט דער ברען

ה.

אמענטש איז מקנא, דעם כוס פון צוויטען

אים בערנט און בראט, וואס יענער האט

ווען ער וואלט געקענט, וואלט ער אים טויטען

ער האט פון דעם, מער נישט ווי קלעם

גענוג זיך אפצונארען, נאך מידות זיך צושפארען

שוין צייט צו זעהן, וואס עס איז געווען

אומזיסט דער טומל, אומזיסט דער ברען

ו.

דער מענטש וואלט וועלען, זיך אויספוצען

ווי דער בילד, וואס אויפן שילד

מען בלייבט פוסט, אן קיינע נוצען

ניט דער געפעלט, אויף יענער וועלט

גענוג זיך אפצונארען, נאך יופי זיך צושפארען

שוין צייט צו זעהן, וואס עס איז געווען

אומזיסט דער טומל, אומזיסט דער ברען

ז.

דער מענטש וואלט וועלען, מעלות מיט גלעקלאך

אויף יעדען טראט, זאל מען ווייזען האט

טאמער וועט אים פעלען, אנדערע ברעקלאך

גייט ער באנקראט, ווי ירבעם בן נבט

גענוג זיך אפצונארען, נאך כבוד זיך צושפארען

שוין צייט צו זעהן, וואס עס איז געווען

אומזיסט דער טומל, אומזיסט דער ברען

ח.

דער מענטש וואלט וועלען, זיך אויסבילדען

מיט חכמות גאר אסאך, מיט פעלקער שפראך

ער וויל געפעלן, דער פרייען דעם ווילדען

נישט דער געפעלט, אויף יענער וועלט

גענוג זיך אפצונארען, נאך נארישקייט זיך צושפארען

שוין צייט צו זעהן, וואס עס איז געווען

אומזיסט דער טומל, אומזיסט דער ברען

ט.

עס איז דארטן מענטשען, וי אפגיזאגטע

פון יעדע פרייד, זיי זענען אפגעשייד

מיר מוזען געבען די גיפלאגטע, פון מוסר קוואל פון אלטען זאל

נאר דער תורה לעבן, קען דעם מענטשען געבען

דעם וועג פון גליק, צום הימעל בריק

צו דער אייביגע הויכקייט, און נישט פאלען צוריק

י.

מיר דארפען נעמען, אין אונזערע צייטין

אן גארטלען זיך, און גיין אויף גיך

און זוכען וועמען, מען קען נאר בייטען

און זאגן איהם, בשם השם

אז נאר דער תורה לעבן, קען דעם מענטשען געבען

דעם וועג פון גליק, צום הימעל בריק

צו דער אייביגע הויכקייט, און נישט פאלען צוריק

 

[הצעיר שבחבורה]

איצטער דא און נאכדעם דארט – עכשיו כאן אח"כ שם​

א.

ס'איז פארהנען מענטשן פאליטיקער - די קלוגשאפט אליין

און ס'איז פארהנען אזוינע וואס ווילן נאר אין חדר גיין

דער ווערט צוריבן, און דער ווערט א לארד

איצטער דא און נאכדעם דארט

ב.

זוך ניט קיין כבוד – קיין גרויסע טיש

עס וועט אנטלויפן פון דיר געוויס

זוך בעסער צו פארנעמען ביי דעם בורא אן ארט

איצטער דא און נאכדעם דארט

ג.

זאלן דיר נישט פארפירן פון וועג – קיין גוטע פריינד

וואס דו האסט זיי – נישט מער ווי היינט

געדענק אז זיי קענען דיר פארפירן קאטשארט

איצטער דא און נאכדעם דארט.

ד.

דער וואס האט נישט די יראה – די ריינקייט אליין

ער טוהט נאר א פעלץ מיט ברייטע ארבעל גיין

ער וועט נאך קריגן זיינע שמיץ, קומענדיג אויפן ארט

איצטער דא און נאכדעם דארט

ה.

דער וואס איז יענעם מקנא, און קריכט איהם אין ביין

און טוהט איהם כסדר די יאהרן דערגיין

איך בין נישט מקנא זיין חלק טארט

איצטער דא און נאכדעם דארט

ו.

דער וואס איז מחלל השם, און פארפירט א וועלט

לויט זיין מהלך וואס האט איהם פארשטעלט

ער וועט זעהן די קאשע וואס ער האט פארקאכט

איצטער דא און נאכדעם דארט.

 

[הצעיר שבחבורה]

צווישן רוסלאנד און פולין – בין רוסיה ופולין​

מיר גייען, מיר גייען, מיר גייען, מיר גייען

ס'נעמט נישט קיין סוף

מיר גייען, מיר גייען

ס'נעמט נישט קיין עק

ס'קרעכטשין די טאטע'ס,

ס'ויינען די מאמעס

מיר גייען, מיר גייען, מיר גייען, מיר גייען

ס'נעמט נישט קיין סוף

מיר גייען, מיר גייען

ס'נעמט נישט קיין עק

מיר גייען, מיר גייען

מיט די תורה צוזאמען

בעסער איז דער טייט

איידער בלייב'ן דארט אליין

לבי ובשרי ירננו לקל חי

 

[הצעיר שבחבורה]

סדר התקופות​

מהצדיק רבי ניסן צלניקר באברויסקער הי"ד​

הטבה​

א.

די מדה פון הטבה

נעם מיט א גרויסע הרחבה

בעהט דיר יענער א עבד מיט א פערד

שטעל איהם צו פון אונטער דער ערד

האסטו נישט ווער ס'זאל פאר איהם לויפען

לויף אליין כאטש נשיא טוהט מען דיר רופען

אמיצות​

ב.

אויך אמיצות

איז א גרויסע נחיצות

מען גייט אין גאס מען מאכט א פרט

מען רייבט זיך אויס מען ווערט א כוואט

פרייע זענען העלצער

און דער ווער א שטאלצער

ג.

אויף יעדען ווארט פון דער תורה

בוי! און האב נישט קיין מורא

רעדסטו מיט דעם מלך אזש

רוף איהם לויט דעם תורה דרש

קוועצט איהם דער פאדנאסעק

העלף איהם מיט א פסוק

הפקרות​

ד.

אויך הפקרות

איז א יסוד צו תיקון עברות

זינדיגט ער נאר מיט א טראכט

ווערט ער תיכף אויפגעבראכט

איז ער מפקיר דעם לעצטען ביסן

וואקסט איהם אויס א צלף מיט קפריסין

ה.

די פרוי דארף וויסען אן וויצן

אז דער מאן דארף לערנען זיצן

זיצט ער אין ישיבה צוועלף יאר

זאל איהר נישט הארען אויף א האר

ער זאל קענען זיצן אן אצוויפיל

נאך אמאל אזוי פיל

הסתפקות​

ו.

אויך הסתפקות

איז גוט אז מ'האט צו קאפקעס

ער האט א באקסער נאר א טאפ

גייט ער מיט דעם א וואך אראפ

לאז ער עפעס אין עולם

איז "ועזבו לאחרים חילם"



אויך זיך מסתפק זיין

איז זייער גוט און פיין

א טיש א דויזע מיט א ברעט

צווי א זוינע איז א בעט

כלים פון פאליווע

ווי א מאל אין ישיבה

ז.

האסטו נישט אויף שבת וואז צו קאכען

דו ווערזשע נישט צובראכען

הייץ איין דעם אויווען ס'זאל גיין א רויך

שכנים זאלען מיינען דו קאכסט אויך

קומט דיר ווער פערשעמען

לויף די לאפעטע נעמען

השגחה​

ח.

אויך השגחה

איז א מזל ברכה

פערבייסטו פון בומאייל אויף אנ'עסיג פלאש

ווערט נישט נתפעל נו מה רעש

מ'וועט הייסען אז וועט עסיג קענען

פונקט ווי בוימאייל ברענען

בטחון​

ט.

אויך בטחון

איז א דבר נכון

דער הארץ דארף שטענדיג רוהיג זיין

א געשטאפטע הון מיט אלטען וויין

ווי אדם אין גן

ווי רבא'ס ארימאן

י.

אויך כל מה דעביד

טוה און ווער נישט מיעד

בלייבסטו איבער אין וואלד אליין

דיין הייזעל או הון אין וועלפישע ציין

הייל זיך נישט צו זארגן

וועסט זעהן אז ס'איז א טובה מארגען

כבוד​

יא.

צוליב כבוד און נשיאות

בייט נישט דיינע דעות

לאכט פון דיר א גאנצע וועלט

נישט געריהרט פאר קיין געלט

האסט א וועג א ברייטע

פון "מוטב שיהיה שוטה"

כעס​

יב.

אויך אויף די מדה פון כעס

ווער ניט צוטומולט וואס איז דער רעש

פרעגט מען זיך פרייטאג אין מיטען וואשן דעם קאפ

פארוואס האט א כינעזער אזא לאנגען צאפ

גיי נישט אריין אין צארען

אפילו ער איז אויף דעם געשווארן

זהירות​

יג.

אויך זהירות

זיין מקבל אן קרירות

מען ליגט אויף זיך א גאנצע טאג

יעדע פעולה אויפן וואג

א ביכעל מיט א פעדער

מוז דאז האבן יעדער

זיכוי הרבים​

יד.

אויך זיכוי הרבים בנאמנות

טוה און האב סבלנות

איז דער תלמיד א שווערער ווער נישט נתפעל

ער וועט פארשטיין מיט לערנען פיר הונדערט מאהל

ער האט זיך פערטראכט

לערנט מיט איהם הונדערט מאל אכט

תשובה​

טו.

אויך תשובה

איז א מידה חשובה

מעג ער האבן געזינדיגט אויף יעדער טראט

עזיבה און חרטה אויב נאר ער האט

אפילו האט ער מקטרגים פול

נעמט מען דורך אונטערן שטוהל

 

[הצעיר שבחבורה]

די ליכט – האור​

א.

מיט זעכציג יאר צוריק

האט גישיינט א גרויסע ליכט

פאר דעם מענטשן א גליק

קיינער האט אויף זיך נישט געריכט

ב.

ווייניג האבען (פון) איהר געוויסט

ווייניג האבען איהר געזעהן

ווייניג האבען צו איהר געגלוסט

ווער ס'זאל איהר אנצינדן איז נישט געווען.

ג.

זי איז געווען אין א זייט

אין א זייט איז די ליכט געשטאנען

יעדער איז געווען פון איהר ווייט

קיינער האט איהר נישט פארשטאנען

ד.

מיט כמארעס איז זי געווען פערצויגען

אין די וואלקענס איז זי אריין

עס איז געווען פינסטער אין די אויגן

נישט געזעהן די ליכטיגע שיין

ה.

דער אדמו"ר זכרונו לברכה

איז ארויס ווי א גרויסער העלד

פאר אלעמען א מזל-ברכה

ער האט ליכטיג געמאכט די גאנצער וועלט

ו.

די ליכט האט ער אנגצינדן

פאר דער וועלט די ליכט געבראכט

שטארק זיך צו איהר צוגעבונדן

פארטריבן די פינסטערע נאכט

ז.

זיין קערפע (איז) פון אונז אוועק

זיין ליכט איז ביי אונז געבליבען

ניטש דא צו איהר קיין ברעג

אויף שטענדיג איז זי געבליבען

ח.

האלט שטארק די ליכט אין האנט

טראג זי שטאלץ דורך ליידען און פיין

זיי שטארק ווי אנ'אייזערנע וואנט

לייג איהר קיין מאהל נישט איין

ט.

דער גרויסער קערפער פון דער וועלט

זאל דיר נישט ווייניג אפשרעקען

וואס די ליכט איז פון איהר פערשטעלט

זאל ער דיר דאס נישט פערדעקען

י.

די כוואליעס פון ים

זאלן די שיף נישט רירען

ווינטען זאלן נישט לעשען דעם פלאם

זי צום אפגרונד נישט פערלירען

יא.

פיהר די ליכט איבער די וועלט

אלעמען דאס לעבען צו בענייען

פון (דער) טורמע מאך א געטלאך געצעלט

אלעמען זאלסטו בעפרייען

יב.

אין יעדען ארט שטעל זי אריין

אומעטום די פינסטערניש פערטרייבען

דעק אויף די אמת'ע שיין

אין דער ליכטיג זאלען אלע בלייבען

יג.

דו וועלט! פאר דער ליכט טו זיך נישט שרעקן

פון דער ליכט זאלסטו נישט אנטלויפען

וויל פון שלאף וועט זי דיך וועקען

אז דיין נשמה זאלסטו ניט מער פערקויפן

יד.

דו זאלסט שוין נישט מער זיין פערשקלאפט

צו דינען דער נאטור

גלויבען אין מענטשליכער קראפט

פאהרען אויך דער קהל'שער פוהר

טו.

די לעהרע פון מאראל

זי בעלייכט דעם מענטשענס נשמה

פון הימעל דער ריינער שטראהל

די איינציגע מענטשליכע נשמה

טז.

אי נאווארידאק האסטו זי אנגעצונדען

אין אוקריינע האסטו זי פערזייט

צוליב איר שיין איז דער שקר פערשוונדען

דעם אמת האסטו דארטען פערשפרייט

יז.

אויך אן אלע לענדער זאלסטו ניט פערגעסען

שפרייז אהין מיט שטאלץ און מוט

זעה דאס ליכט זאלך זיך נישט פערלעשען

נאר געבויט! ניט געשלאפן! ניט גערוהט!

יח.

דו טהוסט א סאך כוחות פערמאגען

די ליכט טהוט ביי דיר העלדיש ברענען

מיט שטאלץ טוה איהר טראגען

די גאנצע וועלט וועט איהר דארקענען

יט.

זעה דיין גאנצען אנדריי

פיעל מענטשן האסטו שוין ליכטיג געמאכט

אין א צוויטויזענדיגער ארמיי

האסטו שוין ארויסגענומען פון דער פינסטערער נאכט

כ.

ווי פריש זענען די יונגע קרעפטען

פיעל לעבען זיך טהון זיי פערמאגען

די וועלט מוז זיך צו זיי בעהעפטען

דער אמת מוז בעזיגען.

 

[הצעיר שבחבורה]

דער אייזענבאהן – הרכבת.​

א.

אן אייזענבאהן א נייער, איז די צייט געווארן

וועלכע פיהרט פאסאזשירן, סיי ארים סיי רייך

לויפט זעהן דעם חידוש, נאר האלט דאס בזכרון

וויל דאס איז א משל אנטקעגן אייך.

ב.

מיר זיצן דא אין די וואגאנען

דער לאקאמאטיוו איז די צייט

ער פיהרט מיט זיך מענטשן מיליאנען

ער לויפט ווי קוילן אין שטרייט

ג.

יעדע רעלס איז א סקונדע

יעדע סטאציע איז א יאהר

יעדע פשיעשאדקע איז א שטונדע

יעדרע פאיאזד איז א דור

ד.

דעם בילעט, וואס דו האלטסט אין טאש

דאס איז דיין מזל, דיין רייזעפלאן

ווי צו פאהרן, אין וואס פאר א קלאס

דאס ווערט בעשטימט פון ג-ט, פון דירעקטער פון באהן.

ה.

די קאנדוקטארן בעקוקן די בילעטן

זיי זעצן יעדן אין זיין קלאס

וועמען אין ערשטן, מיט דיוואנען געבעטן

און וועמען אין פערטן, וו ענג און נאס

ו.

אונזערע קאנדוקטארן זענען די שלוחים

פון דער השגחה געשיקט

וועמען געבן געזונט און רווחים

און ווער ס'זאל חס ושלום זיצן געדריקט

ז.

וועמען געזונט עשירות און אלעס

און קינדער ווי עפעל פון בוים

וועמען עלענד, קראנקהייט און דלות

און דערצו זיין פערוואגלט פון דער היים.

ח.

אויף די קאנדוקטארן, איז נישטא קיין אומרעכט

די וועלט פיהרט זיך מיט א פלאן

מען זעצט יעדן, לויט זיין בילעט

וויל אזוי איז בעשימט פון ג-ט, דעם דירעקטאר פון באהן.

ט.

ביי די וואגזאלן קלינגט מען מיט א גלעקל

די קאנדוקטארן שפרינגען אראפ

עס לויפן פאסאזשירן, יעדער מיט זיין פעקל

פיל קומען צו, און פיל קומען אפ

י.

די סטאציעס זענען אונזערע יארן

ראש השנה צייכענט מען אן

וועמענס בילעט ס'איז נאך וייטער צו פארן

און ווער עס זאל גיין פון וואגאן.

יא.

אונזערע קאסירער זענען בית דין של מעלה

בילעטען ווערט פערקויפט דורכן דין

ווער עס זאל פארן לאנג, און ווער נאר א וויילע

און ווער ס'זאל חס ושלום פערזמאן דעם מאשין

יב.

אז מען הייסט אראפ גיין דינג זיך נישט

כאטש דו ביסט נאך נישט קיין אלטער מאן

דיין בילעט איז אויס, דו וויינסט אומזיסט.

ווייל אזוי איז בעשטימט פון ג-ט, פון דירעקטאר פון באהן.

יג.

אז די פאיזאזדן זאלן זיך נישט סטרעצשען

איז דאס אנבעלנגט אן טעלעגראפיסט

חלילה אז נישט קענען זיי זיך קאלעטשען

און וואגאנען מיט מענטשן ווערן צו וויסט.

יד.

די טעלעגראפיסטן זענען, די לערער פון קינדער

דאס זענען זייערע פעדאגאגען

אויף צווי דעות קאנטראסטען בעזונדער

טוט דעס קינד'ס מוח, נישט צו שלאגן.

טו.

דער אלטער דור לויפט, און פירט די אמונה

דער פרישער דור, שרייט שטיין!

לאז נישט לערער, צווי קאנטראסטען אויף דער טריבונע

געוואלד! האט רחמנות אויף זיי.

טז.

מיט איין שלעכט ווארט, פערדולט איר זיין קאפ

ער פערלירט די אמונה, און ווערט א טיראן

און שפרינגט ווי א ווילדער פון רעלסן אראפ

געגן דען ווילן פון ג-ט, דעם דירעקטאר פון באהן

יז.

דער מאשיניסט שטייט אויף די פיקעטן

קוקט אויפן צילינדער פיל היץ פיל זשאר

מיט אאין פערזען, קען ער פון וועג אפטרעטן

און וואגאנען מיט מענטשן זענען אין געפאר.

יח.

דער מאשיניסט איז דער שכל די געהירן

ער איז אונזער פירער ביים לעבן

דער שכל אליין, קען פון וועג אראפ פירן

האט מען איהם א תורה געגעבן.

יט.

האסט א צילינדער א תורה פון אויבן

ווי ענג עס איז דיר גיב נאר א פרעג

אמונה מי שכל, חקירה מיט גלויבן

דאן וועסטו גיין בשלום דיין וועג.

כ.

די שוטים די ווילדע, די פרעשטאפטע מוחות

שרייען: ווי לויפן עז וואגאנען אן פערד

ווי קען לופט און פארע האבן די כוחות

צו שלעפן וואגאנען מענטשן אויף דער ערד

כא.

די שוטים קוקן אויף דעם בלי ראי'

קענען און ווילן נישט פערשטיין

אז א ג-טליכר קראפט ליגט אין יעדער בריאה

און דאס גיט קראפט ער זאל קענען גיין

כב.

פרעמדע מענטשן זיי איז אומבעקאנט

ניט פאר זיי איז צו זען, די מאשין דעם פלאן

אויסער דעם, וואס ער האט פערשטאנד

צו פערשטיין די חכמה פון ג-ט, פון דירעקטאר פון באהן.

כג.

ווי גרויס איז דער טומך ביי די וואגזאלן

ווען איין פאיאזד פארט אפ, דער צוויטער קומט אן

וויסן ווי גייט דארט די מענטשן, בין איך אבעלן

נאר פערשווינדען דער פאיאזד, ווי אלופט-באלאן.

כד.

די באן איז די צייט אין וועלכער מיר לעבן

פאיאזדען לויפן ווי א היישעריק

א דור נאך א דור בליען און שוועבן

איינער קומט אן, א צוויטער גייט אוועק

כה.

איך האב געוואלט מיט מיין קינד, נאך צווי ווערטער רעדן

נאר פלוצלינג פייפט אויס דער סוויסטיאק

מיר שרייען האלט, אבער מען לאכט אויס אונז ביידן

דו הערסט נאך דעם טוט קלינגען, דער גלאק.

כו.

די מינוט איז טייער, עס איז ניטא קיין צייט

זי איז געוויגען אויפן גראם

דער אלטער, דער שוטה, אומזיסט ער שרייט

אזוי איז בעשטימט פון ג-ט, דעם דירעקטאר פון באהן.

 

[הצעיר שבחבורה]

לעבעדיג יענקל/הארוך​

פזמון: 12 | לעבעדיג יענק'ל

א.

בשעת משיח וועט קומען,

און דער יצה"ר ווער ווערן צוגענומען

און אויף א שלימות וועט מען טאן, גאר אן א מאס

אוי, געוואלד, ווי דערלעבט מען דאס

פזמון: 6 | לעבעדיג יענק'ל

ב.

מיר וועלן אלע טען אויף שבירת הרצון

דעם יצר הרע וועט מען אויס האקען די ציין,

און אויף מדות וועט מען טאן, גאר אן א מאס

אוי, געוואלד, ווי דערלעבט מען דאס

פזמון: 6 | לעבעדיג יענק'ל

ג.

מיר וועלן אלע טאן, אויף בטחון אן השתדלות,

מיר וועלן ניט האלטן פאר קיין ג-ט, דעם האמר מיט דעם קאוואדלעס

אין השגחה וועלן מכיר זיין, גאר אן א מאס

אוי, געוואלד, ווי דערלעבט מען דאס

פזמון: 6 | לעבעדיג יענק'ל

ד.

אין יעדער ישיבה וועט זיין מוסר שטיבלאך,

און מוסר וועט מען לערנען ווארים און ליבלאך,

און פרומקייט וועט זאך מערן, גאר אן א מאס

אוי, געוואלד, ווי דערלעבט מען דאס

פזמון: 6 | לעבעדיג יענק'ל

ה.

אומעטום וועט זיין רוחניות'דיגע סביבות

אין אלע שטאט וועט זיין גרויסע ישיבות,

און תורה וועט מען וואקסן, גאר אן א מאס

אוי, געוואלד, ווי דערלעבט מען דאס

פזמון: 6 | לעבעדיג יענק'ל

ו.

אלע מעשים וועלן זיין גאר ריין,

מ'וועט נישט ליגן אונטער יענמ'ס מיין,

און אויף לשמה וועט מען זיך יאגן, גאר אן א מאס

אוי, געוואלד, ווי דערלעבט מען דאס

פזמון: 6 | לעבעדיג יענק'ל

ז.

מען וועט פון זיך אראפ ווארפן, דעם נארישן פעק'ל,

די מדות וועט מען פארקלאפ'ן מיט א טשוועקל,

און הפקרות וועלן מיר האבן, גאר אן א מאס

אוי, געוואלד, ווי דערלעבט מען דאס

פזמון: 6 | לעבעדיג יענק'ל

ח.

אויפגעבונדן וועלן מיר זיין, אלע צוזאמען,

און אהבת רעים וועט ביי אונז פלאמען,

און מאוגד וועלן מיר זיין, גאר אן א מאס

אוי, געוואלד, ווי דערלעבט מען דאס

פזמון: 6 | לעבעדיג יענק'ל

ט.

און כאטש מיר וועלן זיין אין מרכזים פון די ישיבות,

דאך וועלן מיר ניט פארגעסן סביבות,

און חיזוק וועלן מיר געבן, גאר אן א מאס

אוי, געוואלד, ווי דערלעבט מען דאס

פזמון: 6 | לעבעדיג יענק'ל

 

[הצעיר שבחבורה]

אל גינת אגוז ירדתי​

אל גינת אגוז ירדתי,

ירדתי, לראות באבי הנחל,

לראות באבי הנחל,

לראות הפרחה הגפן, הנצו הרימונים,

לא ידעתי נפשי, לא ידעתי נפשי



דער אייבעשטער האט געהייסן,

ניסאלאך קלייבן, ניסלאך רייסן,

אבער ווי הויך זיינען די בוימאלאך,

און ווי קליין זיינע מיר קינדערלאך,

ווי קענען מיר דאס דערגרייכן

ווי קענען מיר דאס דערגרייכן.